Project-Prospect_365 (Kailan ang Birthday Mo?)

Malamang nawiwirduhan yung mga tinext ko dahil out of the blue, tinanong ko sila kung kailan ang kanilang kaarawan. Sinagot ko naman, kaya lang nakakapagod magreply sa mga text na paulit ulit naman ang tanong. Pero sinagot ko pa rin kahit nakakapagod.

Ganito ang mangyayari sa proyektong ito:

- kailangan kong makumpleto ang lahat ng araw sa kalendayro ng mga listahan ng may birthday. 

Ang Goal:

- huntingin ang may birthday sa bawat araw at magpalibre (syempre biro lang to. Pero hindi naman siguro masama kung tototohanin).

Ang Project-Prospect-365 (PP-365) ay may layunin na itala ang kaarawan ng mga taong malapit kay boypulbo. Syempre, hindi lang sa malalapit, kundi pati na rin ang mga taong hindi man ganon ka-malapit kay boypulbo, ay itinuturing pa rin niyang parte ng kanyang mundo. Mainam din kung may maitala na mga idol ni boypulbo sa larangan ng potograpiya, malayang pelikula, sining, tula at musika.

Sa kasalukuyan, mayroon nang halos 80 ang nakalista - wala pa sa kalahati. 

Ano nga bang benepisyo ang makukuha ng mga taong nasa listahan?

- lifetime greeting tuwing birthday (kasi hindi ko na makakalimutan. masyado kasi akong makakalimutin, particularly sa mga pangalan at birthday)

- at least 2% chance na mabigyan ng regalo (bakit 2%? wala lang. gusto ko lang. walang mathematical explanation ito)

Ngayon, tatanungin ko sana kung kailan ang araw ng kapanganakan ninyo. Nakalagay naman na sa itaas ng mga paliwanag. Kung mayroon mga katanungan hinggil sa proyektong ito, maaring magreply lamang. ito ay free-flowing discussion at open forum.