The Ultimate Bora Experience

Nakakatawa. Para akong isang bata na nautusan lang bumili na suka sa kanto, sabay biglang naging ta-artits in an instant!

Sa ilang gabi ko sa Boracay, laging mag-isa lang akong lumalabas – maglalakad nang dulo’t dulo pampa-baba ng mga kinain ko buong araw. Kung minsan kasama ko maglakad ang mga pinsan ko na bata. Wala talaga akong night life dun, kahit ilang taon ko nang pinapangarap na magkaroon. Buti na lang at ka-resort ko pala si Teta, at may kasama akong uminoom pagkatapos ng concert ng myx.

Excited talaga ako sa pagdating ni bestfriend Vera (dahil may raket sila doon, at may chance kami na makapagkita ulit). Nung dumating na siya, nagkita na kami sa wakas, ay shumat (uminom) kami sa hotel na tinutuluyan nila – kasama si Karl, Momsy, Popsy at Sir Wally (mga kasama sa trabaho ni bestfriend). Ayos! Basag ako pag uwi dahil pagkatapos namin, nagsolo ako ng night life kahit ako na lang mag isa.

 

Hanggang sa kinabukasan, mayroong isang balita na tumambad sa akin!

 

Momsy: “Ihanda mo ‘yang camera mo para sa event namin”

Dreen: “Sure, Momsy”

Momsy: “Kung ipapa-ahit sayo ‘yang goatie mo, papayag ka?”

Dreen: “Ah, para saan po?”

Momsy: “Rarampa ka bukas! Mag mo-model ka!”

Dreen: “Whoa! Seryoso po ba kayo? Ang laki laki ng tiyan ko at ang bansot ko”

Momsy: “Keri lang. It’s the pes-balyu”

 

Eh di syempre kinilig naman ako na medyo kinabahan. ‘Yun pala ang purpose ng pagkuha sa akin ng retrato the other night.

 

Mantakin mo, na kahit mayroon akong tiyan na may ingredients na beer belly, sisig, trans fat, saturated fat, carbohydrates and sugar, napili pa rin akong rumampa! Naisip ko na baka ‘yung mga kasabayan ko ay may 6-pack abs. Samantalang ang maipagmamalaki ko lang ay 1-pack ab.  Bonggang Bongga diba?

 

Ito ang ilan sa mga retrato:

 

 

 

   

 

 

Nakakatawa lang diba? Ako ang pinakabansot. Ako din ang may pinakamalaking tiyan. Ako lang ang hindi dancer. Halatang halata na hindi ako humihinga habang rumarampa, para lang mabawasan ng kahit singkwenta posyento ang lalakhan ng tiyan ko. 

 

Medyo kinabahan din talaga ako, medyo badtrip din dahil may mga narinig akong bulolng bulong. Pero ayos lang, at least naka rampa ako ako kahit mukha akong butete.

 

MATAPOS ANG RAMPA

 

Akala ko talaga wala na akong “makikilala”. Sa ilang summer na pag bisita ko doon every year, pinapangarap ko na sana may “makilala” man lang ako. Meron naman, actually. Pero kaya nga naka quote-unquote ‘yun dahil may something. Ewan.

 

Kras ko ‘yung isang model na babae. Pero, haller! Daba? Alam mo na ang ibig kong sabihin.

 

Nakakatuwa lang, pero kasi just in the nick of time, natupad ang pangarap ko.

 

Ang saya saya saya saya ng party pagkatapos. Ngayon lang ako nakapagparty ng ganun sa bora. Kadalasan pag trip ko lang na uminom, pupunta lang ako sa kahit saang reggae bar at oorder ng ilang bote ng beer na pampatulog. Iba pala ang pakiramdam pag may mga kasama. Parang dream come truelaloo lang eh. Ang saya talaga! Naka-tatlong rounds pa kami ni Karl ng sex on the beach, dahil libre naman ang inumin kaya sinamantala namin. Lasang gin pomelo nga, pero masarap talaga. Swabeng swabe ang hagod sa lalamunan.

 

Panalo talaga ang gabing iyon! Parang gusto ko na nga itigil ang oras dahil sa sobrang saya. Sayang lang at maaga ang alis namin kinabukasan kaya hindi na rin ako masyadong nakapag tagal. Bago mag alas dos ng umaga, umuwi na ako.